देणेंघेणें कांही कधि न मोजिलें
ऐसें कैसें बा दुकान चालविलें !
विठोबाचें वाण त्यालाच विकिलें
ऐसें कैसें बा दुकान चालविलें !
करूनि व्यवहार हात मोकळें
ऐसें कैसें बा दुकान चालविलें !
एक एक अपुलें हलकें केलें
ऐसें कैसें बा दुकान चालविलें !
लोकाचार तुला उपकार झाले
ऐसें कैसें बा दुकान चालविलें !
व्यापार कुण्ठा तूं वैकुण्ठ साधिलें
ऐसें कैसें बा दुकान चालविलें !
इन्द्रायणी जळीं स्वयें बुडविलें
ऐसें कैसें बा दुकान चालविलें !
ऐल बुडूनिया पैल तरलें
दावी गा मज तें दुकान अपुलें !
No comments:
Post a Comment