बोधिवृक्ष पालवी       प्रज्ञा शील करुणा

तैं आलें आपुलेंपणा    विश्वरुप

मग सरळ सोपे        देह-मन व्यापार

धूत-सर्व-संस्कार       शुचिर्भूत

अनित्याचें लळित      पहावें साक्षीभावें

धरावें न सोडावें       अट्टाहासें कांही

देहभावना मरण       शान्त प्राण अपान

अनुभव निर्वाण       आनन्द एकरस

आनन्द ऐसा घन      ज्या न ये रीतेंपण

ॠतुंचें आवर्तन        येई जाई

 

जगासवे मीं मिथ्या     ब्रह्मासमा मीं सत्य

लोपलें नित्यानित्य     द्वैत मजठायीं

 

असूनि अता देहीं       नुरली कुण्ठा कांही

वैकुण्ठ हें सदेहीं        पावलो मीं !